:: Pak Ngah cuba memasukkan entri ini... bagi rakan2 kita yang nak berlatih menggunakan bahasa Iban... yang akan melibatkan sebutan yang betul... siap dengan "tajwidnya"... dan pak Ngah amat pasti... yang Cikgu Azizul yang mengajar di Kapit... dah boleh menguasai bahasa ini dengan baiknya... ye le... dah setahun berada di sana.
Friday, October 12th, 2007
Kastam nangkap 5,535 kutak bir bai belalai
SIBU: Bala ari Opis Kastam ditu mujur besai lebuh nangkap empat buah kontena panjai 20 kaki ke ngundan bir Tsingtao ungkus RM132,840 ba siti jalai di kandang menua Ulu Lanang lemai kemari.
Tangkap nya dipejalai seraban pemesai Kastam ke sepengudah sida ngintai pengelama empat jam ba kandang menua nya.
Nith siti penyata berita ari Pengarah Kastam Sarawak, kontena ke ngundan 5,535 karton bir Tsingtao ke patut dichukai penyampau RM621.529.81 ditangkap sida selepas nadai siku orang datai ngambi kontena nya.
“Pun tasat ngayanka bir tu datai ari menua China lalu bala kaban Kastam agi keran ngiga sapa orang ke besangkut paut enggau kes tu,” ku iya nerang dalam penyata nya.
Serimbai enggau tu, bala Kastam Sibu minta bala orang mayuh ke bisi pemadah tentang barang nya ngambika datai ngagai opis mantu sida dalam tasat kes tu.
Orang ke ngimpot bir begunaka lisin baruh Atur 18, Atur Kastam 1977 lalu sebarang sapa ke ditemu ngemai tama belalai bir deka ditasat baruh Genteran 135 (1)(d), Akta Kastam 1967.
Penyalah ditasat ngena Akta tu ngungkupka ukum enda kurang ari sepuluh (10) kali lipat ungkus barang lalu enda ngeluie ari 20 kali lipat ungkus barang tauka ukum jil enda ngeluie tiga taun tauka kedua-dua ukum nya sekali.
Pemadah pasal orang ngemai tama belalai barang ke bedau dikemendar tauka dichukai Kastam tau dikenataika ulih orang mayuh ngagai Opis Kastam Sibu ngena lumur 084-333422.
Tangkap tu keempat kali dalam kandang tiga minggu tu nyengkaum tiga kes bukai ke alai lebih ari 2,500 kutak bir ditangkap asil ari tiga iti atur ngebu ulih bala polis ngagai tiga iti alai siti-siti, iya nya ba sebuah rumah di Jalai Maludan, sebuah rumah kedai di Jalai Merdeka, enggau sebuah kontena ke ditinggalka ba mua rumah kedai di Jalai Mantis dalam kandang timpuh dua minggu aja.
